Prokuroria e Durrësit sekuestron dokumente në bashki lidhur me përmbytjet me të cilat u përball ky qark.
Në vijim të hetimeve është regjistruar procedim penal për disa vepra si: “Shkatërrim prone nga pakujdesia”, “Shkatërrim i pronës me përmbytje” dhe “Shpërdorim detyre”.
Burime për MCN TV bëjnë me dije se janë sekuestruar dokumentacioni i procedurës së prokurimit, zbatimit dhe marrjes ne dorëzim për objektin “Rehabilitim i argjinaturës, ngritjes së bankinës dhe sistemimi i argjinaturës së lumit Erzen.
Dokumentacioni tekniko-ligjor i të gjithë procedurës së lejes së ndërtimit për objektin “Rehabilitim i argjinaturës, ngritjes së bankinës dhe sistemim i argjinaturës se lumit Erzen.
Krahas hetimeve nga prokuroria e Durrësit, zyrtarët e bashkisë së qytetit bregdetar ndër to dhe kryebashkiakja Emirjana Sako janë kallëzuar dhe në SPAK nga anëtarja e këshillit kombëtar në Partinë Demokratike Ilirjana Kuçana.
Dyshohet se ndërhyrja në argjinaturën e lumit Erzen pa leje ndërtimi dhe pa studim, solli përmbytjen e fshatrave të Sukthit dhe evakuimin e banorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
