Albiona Muçoimaj, eksperte e turizmit tha në studion e MCN Informacion se Korça mbetet një nga destinacionet që shqiptarët zgjedhin për të kaluar festat e fundvitit.
Po ashtu Muçoimaj tha se edhe Shkodra dhe Gjirokastra kanë marrë fokus dhe po zgjidhen nga shqiptarët.
Në morinë e vendeve që ne kemi Korça mbetet një nga destinacionet që njerëzit e zgjedhin për të kaluar festat e fundvitit, jo vetëm për kulinarinë që ofron, për pjesën e kulturës së festave, serenatat e famshme. Me thënë të drejtën ndodh që në periudhën e dimrit në Korçë bie dëborë, ku ka më bukur për ta shijuar. Korça është ndër të paktat vende në Shqipëri që ofrojnë një pistë skish modeste, në Dardhë.
Shkodra ka marrë fokus të rëndësishëm, sidomos në ditët e Krishtlindjes. Gjirokastra po ashtu ka krijuar një kulturë, po mundohet ta shtrijë sa më gjatë sezonin turistik. Ka dhe qytete të tjera që po marrin vëmendje dhe vëmendja e turistëve po shkon në këto qytete.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
