Ish-deputeti Asllan Dogjani thotë se ngjarja e rëndë e ndodhur një ditë më parë në Gjykatën e Apelit mund të ishte parandaluar.
Sipas tij, policia ka qenë në dijeni të kërcënimeve të xhaxhait të autorit.
Është një ngjarje tepër e rëndë. Nuk ka ngjarje më të rëndë pas viteve ’90. Ky shtet i degraduar e ka çuar sistemin e drejtësisë në një ditë kur personat në konflikt arrijnë të qëllojnë gjyqtarin në sallën e gjyqit.
Ai ka qenë një ndër gjyqtarët më model që ka pasur Shkodra. Kur e mora vesh dje ishte një tronditje e madhe. Kur sheh sesi në objektin më të rëndësishëm të vendit, më të sigurtin, arrin të vijë dikush me armë brez e të futet. Ishte një ngjarje e paralajmëruar. Ku është policia e shtetit? Informacioni i shkon asaj përmes të gjitha kanaleve. Kjo ishte një ngjarje e parandalueshme.
Pse paguhen gjithë këta punonjës policie? Policët i përdorin për interesat e tyre drejtuesit për të marrë vota.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
