Presidenti i vendit, Hashim Thaçi, ka folur për arrestimin dhe ekstradimin shtetasve turq, por ka komentuar edhe akuzat e liderit të Vetëvendosjes, Albin Kurti dhe opinionistëve se presidenti ka qenë në dijeni për arrestimin dhe deportimin e gjashtë turqve.
Thaçi thotë se sa i përket asaj që ka lexuar nga një opinionistë nga Shqipëria, thotë se “akuzat e tyre janë zero dhe janë njerëz dhe zëra të atyre që kanë djegur Shqipërinë në vitin 1997, por këtë në Kosovë nuk do t’ia arrijnë”.
Sa i përket lideri të Vetëvendosjes, Thaçi tha se Kurtit i është bërë obsesion emri i tij, prandaj porositi gazetarët që ta pyesin atë (Kurtin) për ekipet e Vetëvendosjes që i çon ai në trajnimin në Stamboll.
“Është mirë t’ju tregoj juve se kush i çon ekipet e tij të rregullta mujore në trajnime në Stamboll. Kush janë atë njerëz që i trajnojnë dhe financojnë këta njerëz të VV-së. Kurti duhet të tregoj edhe kush janë njerëzit nga Irani, që ia financojnë partinë dhe atë personalisht. Për këtë mund t’ju tregojë edhe Glauk Konjufca. Përgjigjen e dinë ata, e di edhe unë. Lë ta dijë edhe populli i Kosovës”, tha Thaçi, raporton Telegrafi.
Më tej Thaçi tha se “Kurti duhet të tregojë edhe për lidhjet e tij me njerëzit e Putinit që janë instaluar në Ballkanin Perëndimor dhe me të cilët takohet nganjëherë në vende të ndryshme të Ballkanit dhe jashtë”.
“Ai njeri është dhe ideatori dhe njerëzit e rrethit të tij themeluesit e organizatës terroriste ‘Syri i Popullit’, që ka përpiluar lista për ekzekutimin e njerëzve në Kosovë, Maqedoni e Shqipëri”, tha Thaçi, duke akuzuar Kurtin se agjenda e tij përputhet me atë të Serbisë që nga Rambujeja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
