Turqia kritikoi sot vendimin e së enjtes nga Gjykata e Drejtësisë e BE mbi mundësinë që u jep punëdhënësve të ndalojnë shaminë ose në mënyrë më të përgjithësuar "çdo formë të dukshme të shprehjes së besimeve politike, filozofike ose fetare".
Është një "shkelje e qartë e lirive fetare", thuhet në një deklaratë të Ministrisë së Jashtme Turke, në të cilën theksohet se një masë e tillë vetëm i përkeqëson paragjykimet ndaj grave myslimane në Evropë.
Vendimi i referohej çështjes së dy punonjësve të kompanive gjermane, të cilët ishin përballur me procedura të brendshme për mbajtjen e shamisë në punë. Ndalimi, specifikoi Gjykata e BE, "duhet t'i përgjigjet një nevoje reale të punëdhënësit".
"Ky vendim - sulmon Ankaranë - në një kohë kur islamofobia, racizmi dhe urrejtja që kanë marrë peng Evropën nuk po respekton lirinë fetare dhe siguron një bazë ligjore dhe mbulesë për diskriminimin".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
