Profesori i Kriminologjisë, Ervin Karamuço, për paditjen e Presidentit rus, Vladimir Putin në Hagë, thotë se as Rusia dhe as Ukraina, nuk janë pjesë e traktatit të Romës, që ka krijuar Gjykatën Ndërkombëtare Penale.
Ai sqaroi në emisionin “Arnautistan” në MCN TV, se në traktatin e Romës, përfshihen 123 vendet që e kanë nënshkruar.
“Ukraina bëri një gabim, se edhe kësaj radhe që e çoi Putin në Gjykatën Penale, e bëri për aktin e agresionit. Kur në fakt, gjykata merret me krime lufte të mirëfillta. Por a ka një lidhje shkakësore mes Putinit dhe veprimeve korrekte në terren?! Nëse nëpërmjet hetimit mund të konfirmohet akuza, atëherë në të 123 vendet që e kanë nënshkruar traktatin e Romës, do të bllokohet. Është një mjet për ta mbajtur të bllokuar në Urale. Për herë të parë një gjykatë ndërkombëtare po shënjestron Putinin, si një kriminel lufte. Vetëm nga një urdhër arresti të lëshuar, siç ka ndodhur me ushtarët e UÇK, ti ndalohesh menjëherë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
