Ferma më e madhe e erës në det të hapur prodhon energjinë e saj të parë

Një projekt i përshkruar si “ferma më e madhe e erës në det të hapur në botë” ka bërë një hap të madh përpara gjatë fundjavës pasi prodhoi energjinë e saj të parë.

E vendosur në brigjet e Anglisë verilindore në Detin e Veriut, Ferma e Erës, Dogger Bank është duke u zhvilluar në tre faza A, B dhe C, dhe do të ketë një kapacitet total prej 3.6 gigavat pasi të jetë plotësisht në funksionim.

Për të është propozuar një fazë e katërt, e njohur si Dogger Bank D.

“Turbina e parë e projektit në Dogger Bank A filloi të rrotullohej dhe të prodhonte energji elektrike në orën 20:37 të shtunën më 7 tetor,” tha në një njoftim të hënën Projekti i Fermës me Erë, Dogger Bank.

Fuqia nga turbina e parë me erë në det të hapur po transmetohet në rrjetin kombëtar të Mbretërisë së Bashkuar nëpërmjet sistemit të transmetimit të rrymës direkte të tensionit të lartë të Dogger Bank, duke shënuar përdorimin për herë të parë të teknologjisë HVDC në një fermë me erë në Mbretërinë e Bashkuar.

Shkalla e projektit është e konsiderueshme, pasi është parashikuar në mënyrë që të jetë në gjendje të furnizojë me energji deri në 6 milionë shtëpi në vit.

Dogger Bank është një partneritet i sipërmarrjes së përbashkët që përfshin SSE Renewables, Equinor dhe Vargronn, të cilat mbajnë aksione përkatësisht 40%, 40% dhe 20%.

Fermat kryesore të erës në det të hapur në ujërat jashtë Mbretërisë së Bashkuar përfshijnë Hornsea 2, një strukturë plotësisht funksionale, me 165 turbina e cila krenohet me një kapacitet prej më shumë se 1.3 gigavat.

Firma daneze e energjisë Orsted e ka quajtur “ferma e erës më e madhe e instaluar në botë”.

Ndërsa Dogger Bank e ka quajtur në mënyrë të përsëritur “ferma më e madhe e erës në det të hapur në botë”.

Deklarata e së hënës i referohej gjithashtu si “ferma e erës më e madhe në det të hapur në botë në ndërtim”, një shenjë e dukshme për faktin se kërkohet ende punë përpara.