Kuvendi i Kosovës mblidhet sot në orën 10:00 të paradites ku pritet të votohet edhe një rezolutë që flet për murin e ngritur në afërsi të urës mbi lumin Ibër në Mitrovicë.
Kështu thuhet në kalendarin e ditës të publikuar nga faqja e internetit e Parlamentit.
Aty njoftohet se në vazhdimin e seancës që mbahet sot votohen edhe dy projektligje, njëri që ka të bëjë me faljen e borxheve publike dhe tjetri për ndalimin e dhunës në ngjarjet sportive.
Pika e katërt e rendit të ditës së sotme është votimi i “Propozim-rezolutës lidhur me ndërtimin e murit në mënyrë ilegale në pjesën Veriore të Mitrovicës”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
