Maxhoranca në Komisionin e Ekonomisë ka miratuar propozimin e qeverisë për shkarkimin e Arben Malajt nga Bordi Mbikëqyrës i Bankës së Shqipërisë. Vendimi u more me 12 vota pro dhe 5 të tjerë kundër, duke i hapur rrugë në këtë mënyrë propozimit të qeverisë për shkarkimin e tij.
Malaj ishte sot në Komisionin e Ekonomisë. Eksperti dhe ish-ministri i Ekonomisë dhe Financave në qeverinë “Nano” nuk i kurseu kritikat në adresë të kryeministrit Rama.
Malaj tha se akuzat ndaj tij janë politike dhe beteja e tij nuk mbaron këtu, por do të kërkojë të drejtën deri në Gjykatën e Strasburgut.
“Neodiktaturat janë një rrezik i madh dhe ato po shfaqen në vendet ish-komuniste. Në përvojat e mia politike kam besuar dhe kam aplikuar faktin se transparenca është aleati më i madh i demokracisë, ndërsa ndarja e pushtetit është kolona strukturore. Gjatë 28 viteve të ballafaqimit publik, i kam shërbyer publikut me integritet maksimal dhe akuzat tuaja janë të thjeshta për t’u hedhur poshtë. Kontributi im më bën krenar. Në atë copë letër thoni se i gjithë bordi nuk është aktiv sa i takon rritjes së kredibilitetit të Bankës së Shqipërisë. Unë nuk dua që të paralizohet bordi. I injoroj akuzat politike”, tha Malaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
