Një ngjarje e rëndë ka ndodhur në kufirin mes Greqisë dhe Shqipërisë.
Incidenti i armatosur dhe i përgjakshëm ka ndodhur në orët e pasdites në fshatin Vissani Pogonit, kur gjatë një operacioni policia u sulmua nga shqiptarët që transportonin drogë.
Sipas informacioneve të para, një shqiptar humbi jetën nga shkëmbimi i zjarrit, gjithashtu edhe një oficer i policisë u plagos lehtë.
Sipas "Kathemerini" shqiptarët për mos të rënë në prangat e policisë dhe mos të përfundonin në burg nga policët e Janinës, ata hapën zjarr me Kalashnikov.
Ata iu kundërvunë forcave të policisë ndërsa lufta e armatosur u shtua.
Gjatë operacionit u konfiskuan gjashtë çanta të kanabisit, që peshonin 100 kg dhe dy Kalishnikov.
Deri tani nuk është bërë i ditur emri i viktimës dhe kush janë personat e tjerë që janë arrestuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
