Një tërmet i fuqishëm me magnitudë 7.7 goditi Mianmarin qendror, në Azinë Juglindore.
Tërmeti ka ndodhur 16 kilometra në veriperëndim të qytetit të Sagaing, në një thellësi prej 10 kilometrash, rreth orës 14:20, sipas kohës lokale.
Lëkundjet u ndjenë në Kinë edhe në Tajlandë.
Në kryeqytetin e Birmanisë, Naypyidaw, shumë rrugë u dëmtuan. Mediat e huaja raportojnë se tavanët e ndërtesave ranë.
Edhe në Tajlandë, një rrokaqiell 30-katësh në ndërtim e sipër u shemb. Sipas CNN në këtë ndërtesë ndodheshin 50 persona.
Burimet mjekësore lokale raportuan se 43 punëtorë janë bllokuar nën rrënoja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
