Gjykata e Lartë e Greqisë ka vendosur kundër ekstradimit të tetë ushtarëve turq që qeveria turke i akuzon se ishin të përfshirë në tentativën e grushtit të shtetit, në korrikun e vitit të kaluar.
Tetë ushtarët turq u larguan me një helikopter në Greqi, pas përpjekjes së grushtit të shtetit, por thonë se nuk ishin të përfshirë.
Rasti ka paraqitur një dilemë diplomatike për Greqinë.
Por, vendimi i gjykatës është i formës së prerë dhe nuk mund të apelohet. Ministri i Drejtësisë Stavros Kontonis tha para vendimit se do të respektojnë vendimin dhe nuk do të ndërhyjë.
Turqia ka kërkuar që tetë ushtarët, të cilët i quan tradhëtarë të kthehen dhe të dalin para gjykatës, por vetë personat argumentojnë se jeta e tyre do të jetë në rrezik nëse kthehen.
Turqia pritet të reagojë me forcë për këtë bendim të gjykatës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
