Sonte në emisionin Zululand të Mustafa Nanos ishte i ftuar Myftiu i Tiranës Ylli Gurra. I thirrur për të folur mbi një artikull të botuar në Washington Post (ku Ylli Gurra ishte njëri prej të intervistuarve) ku shkruhej se po rritet ekstremizmi në Shqipëri.
Gurra e nisi bisedën nga origjina e tij, Librazhdi, për të dhënë edhe arsyet se pse disa persona nga kjo zonë janë ndikuar dhe janë larguar për në Siri, ku disa janë kthyer ndërsa të tjerët kanë humbur jetën andej.
Gurra tha se “ekstremizimi” sidomos në këto zona ka ardhur për shkak të varfërisë, jo vetëm ekonomike por edhe asaj fetare.
Nano shprehu si shqetësim, se shumë elementë po futen në fenë islame duke duke prishur atë tradicionalen shqiptare.
Për këtë, Gurra tha se vetë Komuniteti Mysliman duhet të jetë shumë i kujdesshëm në prurjet që vinë sidomos nga bota Arabe. Ndërsa dha shembullin se Shqipëria, shqiptarët dhe myslimanët duhet të marrin nga drejtësia anglo-saksone.
Si Nano dhe Gurra ranë dakord se myslimanët shqiptarë janë dalluar në vijimësi për patriotizmin dhe për ndjenjat properëndimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
