Qytetarët bullgarë u janë drejtuar këtë të diel që nga ora 7 e mëngjesit kutive të votimit për zgjedhjet parlamentare që po mbahen në vend. Paqëndrueshmëria politike, tendencat pro-ruse dhe ato pro të djathtës ekstreme kanë bërë që vendi të shkojë drejt zgjedhjeve të shtata parlamentare në më pak se 4 vite.
Pavarësisht një numri të tille të lartë zgjedhjesh, Bullgaria nuk ka arritur të formojë një qeveri stabël që nga rrëzimi nga pushtetit të Borisov në vitin 2020 kur vendi u përball me protesta masive kundër korrupsionit.
Sipas sondazheve të fundit asnjë nga partitë politike nuk pritet që të fitojë shumicën as në këto zgjedhje megjithatë Partia e Qendrës së Djathtë e ish-kryeministrit Boyko Borisov pritet të dalë e para me rreth 26% të votave.
Sondazhet po ashtu parashikojnë një prej pjesëmarrjeve më të ulëta në këto zgjedhje si pasojë e numrit të shpeshtë të tyre ku të fundit ishin ato qëu mbajtën këtë qershor.
Megjithatë në këto zgjedhje garojnë 22 parti politike dhe 9 koalicione dhe votimi do të jetë i hapur deri në orën 20:00. Bullgaria me rreth 6.7 milionë banorë cilësohet si një nga shtetet me të varfra dhe më të korruptuara të Bashkimit Europian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
