Ursula von der Leyen e konsideron ligjin e ri hungarez anti-LGBTIQ një "turp" por presidenti i Republikës Çeke Milosh Zeman e shikon ndryshe. Në një intervistë, ai mbështeti mendimin e Viktor Orban dhe vazhdoi të provokonte më tej.
Presidenti Çek Milosh Zeman ka shkaktuar zemërim me komente negative për njerëzit transgjinorë. Në një intervistë për CNN ai kritikoi ashpër operacionin e ndërrimit të gjinisë dhe një festival të LGBTIQ në Pragë, që do të mbahet në fillim të gushtit. Në intervistë u bisedua dhe rreth ligjit të ri për anti-LGBTIQ në Hungari.
Zeman u shpreh se, kushdo që kryen operacion për ndërrimin e gjinisë kryen veprën penale të vetëgjymtimit. "Çdo ndërhyrje mjekësore është një rrezik dhe unë i urrej transgjinorët nga thellësia e zemrës sime", tha 76-vjeçari. Presidenti u shpreh gjithashtu se sipas tij transgjinorët janë "të neveritshëm".
Në intervistë ai tregoi mirëkuptim për ligjin e ri hungarez, të cilin Von der Leyen e konsideron si "turp" dhe ndër të tjera, si shkelje të së gjitha vlerave të Bashkimit Evropian./Spiegel/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
