Rusia po përfundon pastrimin e porteve të Berdyansk dhe Mariupol në Detin Azov dhe është gati t’u ofrojë atyre zhbllokimin e eksportit të grurit nga Ukraina.
Kështu deklaroi Presidenti rus Vladimir Putin në një intervistë për televizionin publik Rossiya 24.
Portet e Detit Azov, Berdyansk, Mariupol, janë nën kontrollin tonë, ne jemi të gatshëm të garantojmë një eksport të qetë, duke përfshirë grurin ukrainas, përmes këtyre porteve.
Po përfundojmë punën e çminimit. Puna është drejt përfundimit, do të krijojmë logjistikën e nevojshme dhe do ta bëjmë.
Për një rikthim të sigurt të eksportit të drithit, Putin i bëri thirrje Kievit që të heqë minat nga territori nën kontrollin e tij dhe siguroi se Rusia nuk do të përfitojë për të nisur sulmet nga deti.
Ujërat ndërkombëtare nuk janë problem. Ata duhet të pastrojnë minat dhe të heqin anijet nga fundi i Detit të Zi, të cilat janë fundosur qëllimisht për të vështirësuar hyrjen në këto porte jugore të Ukrainës.
Ne jemi gati ta bëjmë këtë dhe ne nuk do të përfitojë nga situata e çminimit për të kryer një lloj sulmi edhe atje.
Lajmi sipas të cilit Rusia po bllokon eksportin e grurit është një “bllof” i vendeve perëndimore për të mbuluar gabimet e tyre politike, tha Vladimir Putin gjatë intervistës, duke ofruar edhe një zgjidhje të dytë, provokuese ndaj vendeve perëndimore.
Nëse dikush dëshiron të zgjidhë problemin e eksportit të grurit ukrainas, mënyra më e thjeshtë është përmes Bjellorusisë. Askush nuk po e pengon atë.
Por për të mundësuar diçka të tillë, sanksionet ndaj Bjellorusisë duhet të hiqen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
