Makina e një efektivi policie është djegur mëngjesin e së martës në Vlorë. Ngjarja ka ndodhur rreth orës 03:10 në lagjen “Pavarësia” të Vlorës, pranë palestrës së mundjes.
Policia dhe forcat zjarrfikëse kanë shkuar menjëherë pranë vendit të ngjarjes ku kanë bërë të mundur shuarjen e flakëve të zjarrit, prej të cilave mjeti është dëmtuar pjesërisht në pjesën e përparme. Nga verifikimi dhe hetimi ka rezultuar se mjeti tip ''Benz'', është në pronësi të shtetasit Z.Z. (punonjës policie në Komisariatin e Policisë Vlorës).
Sipas bluve të Vlorës, dyshohet që zjarrvënia të ketë qenë e qëllimshme pasi në pjesën e përparme tek motorri është konstatuar lëndë djegëse.
Grupi hetimor po vijon punën për zbardhjen e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
