Filip Gjoka, kryetar i Shoqatës së Bimëve Medicinale tha përmes një lidhjeje të drejtpërdrejtë me studion e MCN Economy se nëse ka vullnet i gjithë abuzimi që është kryer me fondet e IPARD zbulohet në harkun kohor të 30 ditëve.
Nuk mund të quhen akoma vjedhje, por do i quaja shpërdorime pa masë dhe pa kriter, duke i dhënë këto fonde jo në drejtimit e duhur që të zhvillohej bujqësia por në drejtimin ku ‘zhvillohet miqësia’.
Përmes ndërhyrjeve, deputetë, ministra, zyrtarë të lartë, njerëz me ndikim urdhërojnë dhe diktojnë shpërndarjen e këtyre fondeve.
Mungesa e këtyre fondeve, ne, kompanitë që kemi bërë emër dhe kemi shpenzuar na ka kthyer të pabarabartë me vendet e rajonit e aq më tepër nëse krahasohemi me Gjermaninë e Italinë.
Duhet të hartohet nga qeveria, të merren masa që të krijohen garancitë për ne.
Po ta kenë qëllimin e mirë, zgjidhen shpejt. Këto nuk janë dhënë në mënyrë anonime. Dihet kush ka marrë. Për 30 ditë, me një ekspert del i gjithë abuzimi që është kryer.
Ata që kanë marrë fonde me nga 500-600-700 mijë euro për një kompani fantazëm dhe nuk i kanë çuar në drejtimin e duhur, të merren masa t’i penalizojnë.
Ultimatumi do zbatohet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
