BBC ka marrë dëshminë e Oleg Revko, një mjek në qytetin Verior të Chernihiv, spitali i të cilit u dëmtua nga forcat ruse. Rusia mohon të ketë shënjestruar civilët, por ky mjek ukrainas tregon një version tjetër. Ai thotë se spitali i tij dhe një tjetër në qytet janë sulmuar me granata.
“Spitalet sulmohen si çdo gjë tjetër, atyre nuk u intereson”, thotë Oleg.
Ai i kaloi ditët e para të pushtimit i fshehur në bodrumin e shtëpisë së tij në periferi të qytetit, më pak se një kilometër nga një fushë ajrore ku u zhvilluan luftime të ashpra.
"Shtëpia është pikërisht në vijën e zjarrit rus," thotë Oleg. "Kam kaluar katër ditë duke u ruajtur nga granatat bashkë me tetë nga fqinjët e mi. Përdorëm një kovë si tualet”. Mjeku përfitoi nga një periudhë pushimi e luftimeve duke shkuar në spitalin e tij në qendër të qytetit. Mandej sulmet nisën të përshkallëzoheshin.
“Ata i sjellin të plagosurit në spitalin tonë. Njerëz që humbën krahët dhe këmbët, nuk janë pamje të bukura”, thotë ai. Mjeku shprehet i vendosur të qëndrojë në spital sa të mundet.
“Do të jem në spital deri në fund. Është detyra ime. Nuk e di sa do të rezistojë qyteti. Por unë do të jem këtu me njerëzit e mi.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
