Eksperti i Bujqësisë Ilir Pilku foli në MCN Live mbi problematika e bujqësisë dhe fermerëve në Shqipëri.
Ai u shpreh se në radhë të parë duhet që të jemi konkurrues, por në Shqipëri nuk ka informacion të tregut.
Tregtimi është hallka e tretë, në radhë të parë duhet të jemi konkurrues. Që të jemi konkurrues duhet të jemi të informuar. Sistemi i informacionit të tregut na tregon për produktin që kërkon tregu. Ne informacionin e tregut nuk e kemi, e kemi zero. Kemi pasur një dhuratë nga qeveria amerikane para 10 vjetësh të cilin e hodhëm në bordrum. Kemi në minorancë kërkimin shkencor. Kemi edhe Universitetin Bujqësor që duhet të jenë hallkat e studimeve përkatëse. Duhet të kemi staf të specializuar në agjenci. Sepse bujqësia evolon përditë”.
Bujqësia shqiptare kërkon në afatshkurtër 600-700 milionë euro. I kemi? Nuk i kemi. Por të paktën të bëjmë 2-3 gjëra. Të harmonizojmë strukturat. Të ndërtojmë sistemin e informacionit të tregut sepse është një vlerë e padiskutueshme për bujqësinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
