Aktori Idris Elba ka postuar një status, me anë të të cilit lë të kuptohet se mund të jetë ai James Bond-i i ardhshëm.
Disa ditë pasi në media u përfol emri i tij për rolin kryesor në “Agjenti 007”, Elba shkroi në “Tuiter”: Emri im është Elba, Idris Elba.
Fansat e kanë marrë këtë si një pohim të hipotezës se do të jetë ai James Bondi i ri pasi Daniel Craig të largohet vitin e ardhshëm.
Zërat për Elbën si James Bondi i ardhshëm janë përhapur që në vitin 2014, por ai as i ka mohuar dhe as i ka pohuar.
Aktori njihet për rolet e tij në “Star Trek”, “Luther and The Wire” etj.
Seria e radhës e “Agjentit 007” pritet në nëntor 2019. Me regji të Danny Boyle, filmi pritet të jetë i fundit i kësaj serie për Daniel Craig.
Para tij, James Bond është luajtur nga Sean Conery, George Lazenby, Roger Moore, Timothy Dalton dhe Pierce Brosnan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
