Bashkëpunimi me OSBE-në dhe Universitetin e Tiranës ka bërë të mundur hapjen e një Masteri Ekzekutiv në Kriminologji, masteri i parë I këtij lloj në vendin tonë.
Ky program i ri studimi do të mirëpres në vitin e tij të parë 25 studentë, studimet e të cilëve do të përqëndrohen në : eksplorimin e marrëdhënieve mes krimit, drejtësisë dhe shoqërisë, në një kontekst krahasues, si edhe promovimin e drejtësisë restauruese për viktimat dhe përgjigjet me në qendër viktimat.
Projekti për “Për ngritjen e programit master në kriminologji” zbatohet nga Prezenca e OSBE-së me mbështetjen financiare të Misionit të SHBA-së në OSBE dhe të ambasadës britanike në Tiranë, si dhe me bashkëpunim të ngushtë me Fakultetin e Drejtësisë të Universitetit të Tiranës, me mbështetjen e Fakultetit të Shkencave Sociale, Ministrisë së Drejtësisë dhe Ministrisë së Brendshme.
“Masteri ekzekutiv në kriminologji ka potencialin të sjellë një risi në vend në këtë fushë, duke u shkëputur nga përqasja klasike ndaj krimit, e cila bazohet te hetimi dhe ndëshkimi, e duke e kaluar vëmendjen dhe përpjekjet drejt një përqasjeje më gjithëpërfshirëse”, tha Kryetari i Prezencës, Vincenzo Del Monaco.
Ministrja e Arsimit ka deklaruar se ky program studimi vjen si pasojë e një vakumi të krijuar në universitetet dhe mungesë të ekspertëe në kriminologji.
“Shqipëria kishte një vakum në programet universitare lidhur me përgatitjen e ekspertëve në kriminologji dhe, falë mbështetjes së Prezencës së OSBE-së, u bë i mundur studimi i nevojave në këtë fushë dhe përgatitja për herë të parë e këtij masteri ekzekutiv. Kam shpresën se ky master i ri do të jetë një vlerë e shtuar në kualifikimin e burimeve njerëzore dhe krijimin e politikave penale akoma më efikase” është shprehur ministrja Kushi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
