Një karikaturë ku shfaqet Shën Maria duke qarë, me simptomat e lisë së majmunëve. Pikërisht me këtë karikaturë revista Charlie Hebdo, e përjavshmja e njohur satirike franceze, ka përfunduar edhe një herë në qendër të polemikave, kësaj radhe nga bota katolike.
Kritikat u bënë nga dy shoqata franceze, “Marie de Nazareth” dhe “La petite Voi’e”, të cilat paraqitën një ankesë në gjykatën e Parisit, duke e akuzuar revistën për “provokim dhe nxitje të urrejtjes fetare”.
E publikuar në 16 gusht, karikatura është vepër e artistit Pierrick Juin, raportuar së bashku me drejtorin editorial të Charlie Hebdo, Laurent “Riss” Sourisseau.
Chretien Tribune kritikoi ashpër karikaturën satirike, të shoqëruar me shkrimin “Monkeypox: shfaqja e parë e virusit në Evropë”, e cila përveçse foli për nxitje të pafajshme të urrejtjes ndaj katolikëve të Francës, nisi edhe një peticion për të kërkuar tërheqjen e karikaturës, të firmosur nga gati 25 mijë persona.
Edhe peshkopi i Bayonne, Marc Aillet, reagoi kundër karikaturës, duke shkruar në X se “Liria e shprehjes nuk mund të justifikojë një karikaturë kaq të poshtër”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
