Prej shtatë muajsh, banorët e Tragjasit po protestojnë kundër projektit që synon furnizimin me ujë të pijshëm për fshatrat e Bashkisë së Himarës.
Në një intervistë për edicionin e lajmeve të MCN TV, Mezin Ramohitaj, kryeplaku i fshatit, theksoi se kërkesat e tyre janë të qarta, spostimi i objektit dhe ulja në tavolinën e bisedimeve me ekspertë për këtë projekt.
Sipas tij, qeveria nuk ka bërë asnjë ofertë për zgjidhje dhe u ka imponuar këtë projekt pa u konsultuar me ta.
Sipas nesh, ky projekt nuk është diskutuar me banorët dhe nuk jemi vënë në dijeni për të. Kjo ka qenë arsyeja që kemi kërkuar anulimin e tij dhe kërkojmë bisedime në nivel ekspertësh, ku të marrim pjesë edhe ne, pasi kemi humbur besimin te qeveria.
Kërkesa kryesore është spostimi i objektit dhe përfshirja e komunitetit në procesin e negociatave, pasi projekti dëmton shumë interesat e banorëve të Tragjasit në fusha të ndryshme.
Ne kemi pasur takime me zyrtarë lokalë dhe të lartë institucionalë, ku kemi kërkuar anulimin e projektit dhe përfshirjen tonë në tavolinën e bisedimeve. E pamundur është të pranojmë projektin në formën aktuale, pasi ai heq lulishten dhe e sposton objektin shumë afër lumit.
Qeveria nuk ka bërë asnjë ofertë për zgjidhje dhe ka imponuar këtë projekt pa konsultuar banorët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
