NATO po rrit numrin e trupave në dispozicion të forcave të saj të reagimit nga 40,000 në 300,000, njofton sekretari i përgjithshëm i aleancës ushtarake.
“Ne do të forcojmë mbrojtjen tonë. Ne do të forcojmë grupet tona të betejës në pjesën lindore të aleancës, deri në nivelet e brigadës. Ne do të transformojmë forcën e reagimit të NATO-s dhe do të rrisim numrin e forcave tona të gatishmërisë së lartë në mbi 300,000”, u tha Stoltenberg gazetarëve në Madrid.
Ai e përshkruan Rusinë si kërcënimin më të rëndësishëm dhe të drejtpërdrejtë për sigurinë dhe vlerat e aleancës. Po ashtu Stoltenberg e konsideroi përgjigjen e NATO-s ndaj pushtimit të Ukrainës si rishikimin më të madh të mbrojtjes që nga Lufta e Ftohtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
