Downing Street ka hedhur poshtë një pretendim të Kremlinit se Boris Johnson është “anti-rus”, duke thënë se Kryeministri është një nga udhëheqësit më aktivë kundër Putinit.
Kundërshtimi erdhi pasi zëdhënësi i presidentit rus Vladimir Putin, Dmitry Peskov e përshkroi Johnson si "pjesëmarrësin më aktiv në garën për të qenë anti-rus", duke shtuar se: "Kjo do të çojë në një qorrsokak të politikës së jashtme".
Lufta e fjalëve shpërtheu pasi Johnson njoftoi sanksione të reja kundër oligarkëve dhe bizneseve ruse dhe premtoi më shumë armë për Ukrainën për t'u mbrojtur kundër pushtimit të Putinit gjatë një vizite në Bruksel për bisedime urgjente me aleatët e NATO-s.
Zëdhënësi zyrtar i Johnson tha se Mbretëria e Bashkuar nuk kishte asnjë problem me popullin rus, duke përfshirë liderin e burgosur të opozitës Alexei Navalny dhe mijëra qytetarë të zakonshëm që kanë dalë në rrugë për të protestuar kundër luftës së Putinit në Ukrainë.
Duke iu përgjigjur pretendimit të Peskov, zëdhënësi zyrtar i Johnson tha: “Kryeministri është ndër udhëheqësit më aktivë kundër Putinit. Ne nuk kemi asnjë problem me popullin rus”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
