Shqipërisë iu dorëzua sot Kryesia e Organizatës për Siguri dhe Bashkëpunim në Europë për vitin 2020.
Misioni shqiptar në Vjenë bën të ditur se, “sot në Këshillin e Përhershëm të OSBE-së u zhvillua ceremonia e dorëzimit të Kryesisë së kësaj organizate”.
Kryesia e kësaj organizate iu dha ambasadorit të Shqipërisë pranë Misionit të OSBE-së dhe Organizatave Ndërkombëtare në Vjenë, Igli Hasani.
Misioni shqiptar në Vjenë falënderon Kryesinë Sllovake për përpjekjet e saj dhe thekson se, “jemi në pritje të marrim zyrtarisht Kryesinë shqiptare të OSBE-së më 1 Janar 2020”.
Shqipëria ka marrë Kryesinë e ardhshme të OSBE-së, organizatës së përbërë nga 57 vende anëtare, të cilën ajo do ta drejtojë përgjatë gjithë vitit 2020.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
