Kategoria Superiore/ Partizani rikthehet tek fitorja. Skëndërbeu vijon kryesimin

Partizani është rikthyer tek fitorja pas tre barazimeve rradhazi duke mundur në “Elbasan Arena” skuadrën e Teutës me rezultatin e ngushte 1-0.

Autori i golit të fitores për 15-herë kampionët e vendit ishte sulmuesi Ekuban, që realizoi në minutën e 50-të të pjesës së dytë duke përfituar nga gabim i mbrojtjes durrsake.

Një tre pikësh mjaft i rëndësishëm ky për skuadrën e Sulejman Starovës që tashmë renditet në vendin e tretë në tabelën e klasifikimit me 23-pikë të grumbulluara, tre më pak se Skëndërbeu që është në vend të parë dhe një më pak se Kukësi që klasifikohet në vend të dytë.

Një fitore e rëndësishme për skuadrën që do të shkojë me moral ta lartë në sfidën e ardhshme që është në derbi kundër ekipit të Tiranës.

Ndërkohë në takimet e tjera Skëndërbeu fitoi përballë Laçit, Kukësi dhe Tirana u ndanë në barazim, ashtu si dhe Luftëtari dhe Korabi që barazuan 1-1. Ndërsa sfida e djeshme mes Flamurtarit dhe Vllaznisë u fitua nga miqtë me rezultatin 1-0.

Tabela e rezultateve të javës së 12-të

Kukësi-Tirana 0-0

Laçi-Skënderbeu 0-1

Luftëtari-Korabi 1-1

Partizani-Teuta 1-0

Flamurtari-Vllaznia 0-1

Klasifikimi

Skënderbeu 26
Kukësi 24
Partizani 23
Tirana 21
Vllaznia 15
Luftëtari 13
Laçi 10
Teuta 8
Flamurtari 7
Korabi 6