Detaje të reja janë zbuluar nga ngjarja e ditës së sotme në Durrës, ku një 39-vjeçar nga Shijaku hodhi nga kati i tretë i një hoteli një vajzë me shtetësi venezuelase.
Burime për MCN Tv bëjnë me dije se 22-vjeçarja nga Venezuela bashkë me një grup vajzash të tjera ushtronin aktivitetin e paligjshëm të prostitucionit.
Mësohet se 39-vjeçari me të cilin është konfliktuar fizikisht ka qenë një klient i saj.
Vajzat e tjera të përfshira në këtë aktivitet tentuan të largohen bashkë me valixhet, por nuk ia dolën pasi u ndaluan nga policia.
Policia ende nuk e ka bërë të qartë nëse 39-vjeçari Ismet Zoto e ka shtyrë fizikisht vajzën, apo nëse ajo është vetëhedhur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
