Shërbimet e sigurisë së Armenisë njoftuan të Shtunën në mbrëmje se parandaluan një përpjekje për vrasje ndaj Kryeministrit Nikol Pashinian nga kundërshtarët politikë.
Agjencia e Sigurisë Kombëtare tha se ish-udhëheqësi opozitar, Artur Vanetsian, ish-udhëheqësi i grupit parlamentar Republikan, Vahram Bagdasaryan dhe vullnetari i tij, ishin arrestuar nën dyshimin e komplotit kundër Pashinian.
"Të dyshuarit planifikuan të uzurpojnë pushtetin duke vrarë kryeministrin" dhe po diskutonin emrat e kandidatëve të mundshëm për zëvendësimin e tij”, tha agjencia e sigurisë
Pashinian tha në mes të javës se nuk kishte zgjidhje tjetër përveç se të nënshkruante marrëveshjen me Azerbajxhanin në mënyrë që territoret e tjera të mos humbasin. Ai tha se po merrte personalisht përgjegjësinë, por përjashtoi dorëheqjen.
Që nga e marta, mijëra njerëz kanë protestuar në Armeni kundër kryeministrit, të frustruar nga armëpushimi i Nago-Karabakut dhe humbjet territoriale të pësuara nga enklava në favor të Azerbajxhanit pas gjashtë javësh luftimesh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
