Policia e Elbasanit ka arrestuar tre persona, ndërsa janë proceduar penalisht dy të tjerë. Në pranga ka rënë një 33-vjeçar me inicialet L.Ll., pasi ka shkelur masën “arrest në shtëpi” duke dalë jashtë banesës.
Po ashtu janë arrestuar K. K., 56 vjeç, dhe F. LL., 26 vjeç, pasi kanë drejtuar mjetin në gjendje të dehur. Ndërkaq, janë proceduar K. M. dhe E. M., pasi u kapën duke kryer ndërtime pa leje.
NJOFTIMI
Vihen në pranga 3 shtetas dhe procedohen penalisht 2 të tjerë për vepra të ndryshme penale.
-Specialistët për Hetimin e Krimeve në Komisariatin e Policisë Elbasan bënë arrestimin në flagrancë të shtetasit L. Ll ., 33 vjeç, për veprën penale "Largimi i të burgosurit nga vendi i qëndrimit", pasi ka shkelur masën e sigurisë "Arrest në shtëpi", duke dalë jashtë banesës.
-Specialistët e Seksionit të Trafikut Interurban dhe Urban arrestuan në flagrancë shtetasit:
K. K., 56 vjeç, banues në Cerrik dhe F. LL., 26 vjeç, banues në Librazhd, për veprën penale "Drejtimi i automjeteve në mënyrë të parregullt", pasi u kapen duke drejtuar mjetin në gjëndje të dehur.
-Specialistët e Hetimit të Krimit të Komisariatit të Policisë Elbasan proceduan penalisht shtetasit:
K. M., banues në Elbasan, dhe E. M., banues në fshatin Gjergjan, për veprën penale "Ndërtimi i paligjshëm", pasi u konstatuan duke kryenin punime ndërtimi, pa lejet përkatëse.
Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
