Italia do të vazhdojë të dërgojë armë në Ukrainë dhe të mbështesë Kievin në luftën e saj kundër Rusisë nëse blloku konservator fiton zgjedhjet e ardhshme kombëtare, tha Giorgia Meloni, kryetarja e partisë kryesore të aleancës.
Vëllezërit e Italisë, forcë e ekstremit të djathtë e udhëhequr nga Giorgia Meloni, ka qenë një nga partitë e pakta italiane që ka mbështetur vendimin e kryeministrit Mario Draghi për të dërguar armë në Ukrainë, edhe pse ishte në kundërshtim me qeverinë e tij.
Në të kundërt, dy aleatët kryesorë të Melonit, Lega Nord dhe Forza Italia, të cilat ishin të dyja në koalicionin e Draghit, kanë qenë shumë më ambivalente, duke reflektuar lidhjet e tyre historikisht të ngushta me presidentin rus Vladimir Putin.
Qeveria u rrëzua në fillim të kësaj jave, duke hapur rrugën për zgjedhjet e parakohshme në 25 shtator, ku sondazhet sugjerojnë se blloku i djathtë do të fitojë.
Forca kryesore shihet Vëllezërit e Italisë, që nënkupton se Giorgia Meloni mund të jetë kryeministrja e ardhshme e vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
