“Unë fitoj nga Facebook-u për postimet e mia të pavërteta me kushtin që ta paguaj Facebook-un të promovojë lajme të pavërteta”. Ky është mesazhi i serisë së radhës të serialit “South Park”, i vendosur në gojën e Professor Chaos.
Seria e radhës ironizon “Facebook”-un për skandalin e lajmeve false (Fake News). Ai vë në lojë themeluesin e rrjetit social, Mark Zuckerberg, duke lënë të kuptohet se ai përfiton nga shpërndarja e këtyre lajmeve, ndërsa përdoruesit e kanë lënë të futet aq thellë në të dhënat e tyre.
Gjithashtu, episodi i radhës ironizon Netflix-on për serialet jocilësorë dhe e vë theksin te akuzat për abuzime seksuale nga proeducenti i Hollivudit, Harvey Weinstein.
Skenari përcjell një mesazh të qartë. Facebook përfiton financiarisht nga lajmet e rreme. Ndërsa sa u përket përdoruesve, kritika është një tjetër. Ata e kanë lënë veten të bien krejtësisht në influencën e rrjetit social, aq sa e marrin çdo gjë si një lajm të verifikuar nga disa burime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
