Më shumë se 13 milionë australianë, rreth gjysma e popullsisë janë në izolim, pas rritjes së kufizimeve, si pasojë e përhapjes së variantit Delta të koronavirusit.
Australia Jugore, territor me 1.7 milion banorë, i është bashkuar Viktorias dhe disa pjesëve të Uellsit të Ri Jugor, duke fuqizuar masën e izolimit të martën.
Më pak se 14% e australianëve janë vaksinuar - vlerësimi më i keq midis kombeve të OECD. Dy qytetet më të mëdha të Australisë, Sidnei dhe Melburni, janë midis vendeve që përballen me pasiguri se kur do të rihapen.
Shumë njerëz kanë shprehur zhgënjimin për të qenë përsëri në bllokime,18 muaj nga pandemia. Rihapjet në MB dhe SH.B.A. kanë rritur presionin mbi qeverinë federale.
Kryeministri Scott Morrison është kritikuar ashpër për shkallën e ngadaltë të vaksinimit, por i ka rezistuar thirrjeve për të kërkuar falje.
"Asnjë vend nuk ka marrë përgjigjen e tyre pandemike 100%. Unë mendoj se Australianët e kuptojnë këtë," u tha ai gazetarëve të mërkurën.
Deri vonë, Australia ishte vlerësuar kryesisht për strategjinë e saj të mbylljes së kufijve, programeve të karantinës dhe bllokimeve të parakohshme.
Por varianti shumë ngjitës Delta ka sfiduar këto mbrojtje në muajin e kaluar. Shpërthimi në Sidnei - qyteti më i madh i Australisë - ka infektuar më shumë se 1,500 njerëz.
Zyrtarët raportuan 110 raste të reja të mërkurën, pavarësisht javës së katërt të bllokimit të qytetit. Banorët nuk duhet të largohen nga shtëpitë e tyre përveç për blerje ushqimesh dhe arsye të tjera thelbësore.
Ekzistojnë frika se bllokimi i Sidneit mund të shtrihet deri në shtator, pasi modelimi tregoi se qyteti mund të mbetet me muaj nga eleminimi i rasteve. Australianët e Jugut do të durojnë shtatë ditë në shtëpi pasi u gjetën pesë raste të variantit Delta.
Muajin e kaluar, gjithsej shtatë qytete ishin në bllokim për një periudhë të shkurtër. Autoritetet Australiane janë të angazhuara për të eleminuar krejt rastet lokale derisa shumica e njerëzve të vaksinohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
