Aksident i rëndë me pasojë dy persona të vdekur dhe një i plagosur rëndë është regjistruar në orët e para të mëngjesit të kësaj të diele në autostradën Tiranë-Durrës.
Dyshohet se drejtuesi i automjetit Arbër Tivari, 26 vjeç, ka humbur kontrollin e automjetit dhe është përplasur me trafikndarësen.
Për pasojë dy pasagjeret që ndodheshin në makinë, 26-vjeçarja Silva Gjergji, dhe një tjetër shtetase e paidentifikuar, kanë humbur jetën në vendin e ngjarjes.
I riu që drejtonte automjetin është transportuar me urgjencë në spitalin e Durrësit, ku raportohet se ndodhet në gjendje të rëndë.
Grupi hetimor ndodhet në vendngjarje dhe po punon për sqarimin e rrethanave të aksidentit dhe identifikimin e shtetases tjetër që humbi jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
