Gazetari Klodian Tomorri thotë se kostot e ngërçit të krijuar në punimet për aeroportin e Vlorës i paguajnë qytetarët dhe ekonomia e vendit. Në emisionin “Të Paekspozuarit”, Tomorri tha se rasti tregon se asetet strategjike të vendit nuk duhet t’u jepen seskserëve.
Çështja ka shkuar në prokurori. Valon Ademi kallëzoi Pacollin, nga ana tjetër Pacolli kallëzoi noteren që mendohet se ka bërë kontratën për shitjen e aksioneve. Pacolli thotë se janë bërë në mënyrë të falsifikuar. Ky është një sherr që mban të bllokuar një aset strategjik. Pasoja është se sot qytetarët shqiptarë nuk kanë një aeroport në Vlorë. Kjo ndodh për shkak se dy aksionerë zihen dhe akuzojnë njëri-tjetrin për mashtrime dhe falsifikime. Është një çështje që në fillim na tregon se asetet strategjike të vendit nuk mund t’u jepen sekserëve. Këtu po hyre në xhunglën e gjyqësorit nuk dihet sa vite mund të marrë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
