Gjykata e Lartë zgjodhi në fund të shtatorit anëtarin e ri të Gjykatës Kushtetuese. Naureda Llagami mori 8 vota, ndërsa Asim Vokshi 6. Fitues u shpall ky i fundit ndërsa Llagami i është drejtuar Gjykatës Kushtetuese për interpretim.
Avokati Ndue Pjetra thotë se situata e krijuar është pasojë e një manipulimi pas votimit.
Personi ka 8 vota, tjetri ka 6 vota. Nuk ka pse diskutohet dhe pse të futet në lojë neni 7 i ligjit. Po të ishin të barabarta jam dakord. Në këtë rast me të drejtë është bërë kërkesa në Kushtetuese për interpretim. Ajo që është bërë është bërë me dashje. Nuk e kanë bërë këtë gabim gjyqtarët. E kanë bërë sekretarët, kancelari ose komisioni. Është logjike. Ky korrigjim është bërë nga komisioni. Nuk ka gjyqtar që gabon kur voton. Gjyqtari e ka dhënë votën mirë. Këta e kanë parë që po del fituese Llagami dhe i kanë dhënë sekretares një rezervë për të bërë një zhgarravinë. Llagami duhet të kërkojë një akt-ekspertimi. Kjo është rruga më e mirë për t’i thënë drejtësisë çfarë bëhet në drejtësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
