Gjykata e Elbasanit ka lënë në masën “arrest me burg” 37-vjeçarin me inicialet B.B. i cili dyshohet se ka abuzuar seksualisht një 15-vjeçare, vajza e bashkëjetueses së tij.
Korrespondentja Entela Duka mëson nga seanca me dyer të mbyllura se autori i dyshuar ka pranuar se ka kryer marrëdhënie seksuale, por sipas tij me dëshirën e të miturës. Ndërkohë nëna e 15-vjeçares ka fajësuar të bijën për ngjarjen, dhe jo bashkëjetuesin e saj.
“Është mbajtur sot seanca për caktimin e masës së sigurisë ndaj 37-vjeçarit, shtetasi B.B., që dyshohet se ka abuzuar seksualisht ndaj vajzës së bashkëjetueses së tij. Ai rezulton të jetë njerku i 15-vjeçares. Gjatë seancës së mbajtur sot në Gjykatën e Elbasanit, me dyer të mbyllura, kanë qenë të pranishëm të gjithë protagonistët e ngjarjes. Vajza 15-vjeçare që rezulton të ketë qenë e abuzuar për 4 muaj nga njerku i saj. Ka qenë ky i fundit, dhe nëna e 15-vjeçares. Pasi janë dëgjuar protagonistët, në fund gjykata ka vendosur masën e sigurisë arrest me burg për 37-vjeçarin. 15-vjeçarja sikundër deklaroi edhe në denoncimin e saj të para tre ditëve në Policinë e Elbasanit, se është abuzuar nga njerku prej 4 muajsh. Njerku ka pranuar se ka kryer marrëdhënie seksuale me të, por se ajo s’ka kundërshtuar, ose se ka qenë me pëlqimin e të miturës. Nëna e 15-vjeçares ka deklaruar se fajtore për ngjarjen është 15-vjeçarja dhe jo bashkëjetuesi i saj. Aktualisht mbetet në burg personi që dyshohet se ka abuzuar”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
