Lideri i Ligës, Matteo Salvini, votoi në qëndrën e tij në Milano dhe teksa po largohej u tha gazetarëve se ditën e votimit do ta kalonte me vajzën e tij në një fermë. Ai bëri me dije se i ka idetë e qartë dhe se në llogaritë e tij "Liga" është forcë parlamentare në podium.
Unë llogaris që Liga është forca parlamentare në podium, e para e dyta ose maksimumi e treta. Nga nesër nuk ka më muhabet dhe kalojmë nga angazhimet në fakte, i kemi të qarta idetë. Kur votojnë italianët, vota është e shenjtë.
Më pas atyre që e pyetën nëse një vend i katërt i mundshëm mund të ishte një humbje, Salvini u përgjigj:
Unë luaj për të fituar, jo për të marrë pjesë. Sa më shumë njerëz të votojnë, aq më e fortë do të jetë Italia dhe politika do të legjitimohet. Nga nesër mezi pres të kthehem në qeverisjen e këtij vendi të jashtëzakonshëm me një ekip koheziv, kompakt koherent dhe në qendër të djathtë. Do të jenë muaj të komplikuar, ku të parët do të jenë urgjenca e lehtë, faturat, kostoja e lartë e jetesës, ngrohja. Sa më shumë njerëz të votojnë, aq më shumë forcë do të ketë Parlamenti i ri dhe qeveria e re për të ndërhyrë në emergjencat që nuk do të mungojnë.
Nga ana tjetër, Giorgia Meloni ka shkruar në rrjetin social Twitter se sot italianët mund të kontribuojnë në shkrimin e historisë.
Sot mund të kontribuoni në shkrimin e historisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
