Deputetja demokrate, Majlinda Bregu, është shprehur sërish publikisht kundër bojkotit të zgjedhjeve. Në përfundim të mbledhjes së grupit parlamentar demokrat, Bregu tha se dalja nga institucionet dhe mospjesëmarrja në zgjedhje e dëmton PD-në. Ajo theksoi se detyra e çdo demokrati, eshte rindërtimi i PD-së.
“Kam frikë se në mos u shpiktë ndonjë jetë politike në Mars, dalja ose vazhdimi i luftës apo mosbindjes civile jashtë institucioneve nuk e bën PD më të madhe dhe nuk mund të hesht dot e të mos e them këtë shqetësim që kam sot. Shpresoj që ky shqetësim të mos jetë vetëm i imi dhe edhe në qoftë i imi dhe i disa kolegëve të tjerë, nuk e them që kam hallin tim apo të kryetarit të PD, ne do kemi mundësinë të gjejmë një punë, por është halli i atyre demokratëve që sot s’do ndihen të përfaqësuar në parlamentin e ardhshëm. Jam e bindur që 18 qershori s’do jetë ditë zgjedhjesh, nga ana tjetër jam po aq e bindur se 18 qershori s’mund të keqpërdoret nga Edi Rama si të jetë 29 nëntori i Enver Hoxhës. Jam e bindur se pas kësaj situate, detyra kryesore e çdo demokrati është rindërtimi i Partisë Demokratike”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
