Një rezervuar magme, që mund të ndodhet nën një krater nënujor vullkani mund të ketë pasojë shkatërruese për njerëzimin nëse shpërthen. Ky është paralajmërimi i një grupi studiuesish japonezë të Qendrës për Eksplorimin e Fundit të Oqeaneve në Universitetin Kobe. Sipas tyre, një krater i madh ndodhet në arqipelagun japonez. Krateri me madhësi 32 km3 mendohet se është më i madhi i këtij lloji dhe është krijuar si pasojë e një shpërthimi masiv nënujor 7300 vjet më parë.
E vendosur mes Paqësorit dhe pllakave oqeanike të detit të Filipineve, Japonia është një terren i favorshëm për aktivitet sizmik, çka i ka detyruar shkencëtarët të thellohen në kërkime për metoda të reja të parashikimit të katastrofave natyrore.
E gjendur në jug të ishullit Kjusju, kjo rezervë magme ka pak gjasa të shpërthejë në 100 vitet e ardhshme. Megjithatë studiuesit që monitorojnë aktivitetin vullkanik kanë dhënë paralajmërimin e tyre mbi potencialin shkatërrues që ka magma që vlon nën ujin e oqeanit.
“Në rastin më të keq, shpërthimi mund të sillte rreth 100 milionë viktima”, thotë Yoshiyuki Tatsumi, i cili drejtoi studimin.
Shpërthimi mund të nxjerrë jashtë rreth 40 km3 magmë, çka do të shkaktonte dëme kolosale. / Përgatiti: Gazmira Sokoli /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
