Gazetari Lorenc Rabeta tha në studion e emisionit MCN Economy se propozimi ekonomik i PD-së për zgjedhjet e ardhshme parlamentare ka brenda vetes dhe komponentin elektoral pasi është e pamundur të hiqet plotësisht TVSH-ja për produktet ushqimore.
Duke vijuar Rabeta tha se është e nevojshme një ndërhyrje në mënyrë që të ulet disi TVSH-ja.
Lajm i mirë është që më në fund kemi një propozim ekonomik, një artikulim që na kishte munguar. Premtimet kanë dhe komponentin elektoral. Tha do të heqim TVSH-në, më duket e vështirë e po shihja shifrat, janë 1.03 miliardë euro në arkën e shtetit nga janari deri në qershor.
Po të heqim komponentin elektoral, duhet të pranojmë që duhet ndërhyrje tek TVSH. Mbase do ishte e tepruar të thoshim që do të hiqet, por një ndërhyrje do të ishte më se e mirëpritur.
U tha do të vendosim një minimum jetik, nuk kemi një minimum që do të shërbente si bazë për çdo vendimmarrje tjetër.
Është llogari e bërë nga PD dhe Avokati i Popullit dhe është tek 220 euro dhe është minimum që nuk do të thoshim që është i keq. Minimumi është lënë pa vendosur me vetëdije, se po të ishte nuk do të kishte ndihmë 8 mijë lekë.
Absolutisht thashë kanë komponentin elektoral pasi TVSH-në nuk mund ta heqim plotësisht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
