Rusia dhe Ukraina njoftuan këtë të enjte se kishin shkëmbyer të burgosur lufte, hapi i fundit në një marrëveshje të arritur gjatë negociatave të fundit mes dy palëve në Stamboll të Turqisë.
"Sot, ushtarët nga forcat e armatosura, garda kombëtare dhe rojet kufitare janë kthyer në shtëpi", tha Presidenti ukrainas Volodymyr Zelensky në Telegram, duke shtuar se ata ishin ushtarakë të plagosur rëndë dhe shumë të sëmurë.
Volodymyr Zelensky, vendi i të cilit ka luftuar pushtimin rus për tre vjet, postoi një foto të ushtarëve ukrainas, të mbështjellë me flamuj kombëtarë, të cilët u pritën me të mbërritur në Ukrainë.
Të mërkurën, Ukraina njoftoi gjetjen e 1,212 trupave të ushtarëve të saj të vrarë në front, një nga operacionet më të mëdha të këtij lloji që kur Moska nisi pushtimin e saj në shkurt 2022. Kryenegociatori i Rusisë, Vladimir Medinsky, tha se Rusia kishte gjetur 27 trupa të ushtarëve të saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
