Një shpërthim në një minierë në Iranin lindor ka vrarë të paktën 30 persona dhe ka plagosur 17 të tjerë, njoftoi televizioni shtetëror iranian, duke shtuar se shumë punëtorë dyshohet se janë bllokuar.
Shpërthimi ndodhi për shkak të një rrjedhje gazi metani në një minierë qymyri në Tabas, rreth 540 km (335 milje) në juglindje të kryeqytetit, Teheran, tha të dielën agjencia e lajmeve IRNA.
Të paktën 69 persona po punonin në një nga tunelet e minierës kur ndodhi rrjedhja e papritur e gazit të shtunën mbrëma, sipas raportit.
Televizioni shtetëror më vonë tha se 24 punëtorë besohej se ishin bllokuar brenda, ndërsa 28 të tjerë u dërguan në spital për trajtim.
Presidenti i Iranit Masoud Pezeshkian, i cili po përgatitej të udhëtonte në Nju Jork për Asamblenë e Përgjithshme të Kombeve të Bashkuara, tha se ai urdhëroi të bëhen të gjitha përpjekjet për të shpëtuar të bllokuarit dhe për të ndihmuar familjet e tyre. Ai shtoi se për ngjarjen ka nisur një hetim.
Kjo nuk është fatkeqësia e parë që godet industrinë minerare të Iranit. Në vitin 2017, një shpërthim në një minierë qymyri vrau të paktën 42 njerëz. Në vitin 2013, 11 punëtorë u vranë në dy incidente të veçanta minerare. Të paktën 20 punëtorë u vranë në disa incidente në vitin 2009.
Standardet e dobëta të sigurisë dhe shërbimet e papërshtatshme të urgjencës në zonat e minierave shpesh fajësohen për vdekjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
