Përplasja mes aktorëve Blake Lively dhe Justin Baldonit vazhdon me veprime ligjore.
Këtë herë është aktori dhe regjisori i filmit “It end with us” ai që ka paditur aktoren dhe bashkëshortin e saj Ryan Reynolds.
Baldoni bëri padi në një gjykatë të Nju Jorkut ku akuzon Lively dhe Reynolds për zhvatje civile, shpifje dhe cenim të privatësisë.
Në veçanti, i referohet ankesës së aktores në të cilën dhjetorin e kaluar ajo akuzoi Baldonin dhe ekipin e tij se kishin ngritur një fushatë të sofistikuar për të dëmtuar reputacionin e saj pasi ajo ngriti zërin kundër klimës së ngacmimit seksual në xhirime.
Aktori Justin Baldoni kërkon 400 milionë dollarë dëmshpërblim.
Kjo është padia e dytë e ngritur nga Baldoni, pasi e para u bë disa javë më parë kundër New York Times, fajtore sipas tij, se ka nxjerrë në dritë, duke manipuluar akuzat e aktores ndaj tij në një artikull të datës 21 dhjetor.
Ai kërkoi 250 milionë dollarë për shpifje dhe cenim të privatësisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
