Udhëheqësit e Bashkimit Evropian ranë dakord të premten për të vendosur sanksione ndaj dhjetëra zyrtarëve bjellorusë për manipulimin e zgjedhjeve presidenciale. Megjithatë, është përjashtuar presidenti Alexander Lukashenko.
"Nesër ne do të zbatojmë sanksionet dhe ju e dini që ajo që është në tryezë është një listë me rreth dyzet emra", tha Presidenti i Këshillit të BE-së, Charles Michel, gjatë një konference shtypi në orët e para të mëngjesit të së premtes.
Brukseli hodhi poshtë rezultatet zyrtare të zgjedhjeve presidenciale të 9 gushtit që i dha fitoren Lukashenkos - në pushtet për 26 vjet - me mbi 80 për qind të votave dhe dënoi shtypjen e dhunshme të protestuesve paqësorë.
Shefat e Bllokut thanë në atë kohë se ata do të "vendosnin me shpejtësi" masa kufizuese ndaj zyrtarëve të përfshirë në falsifikimin e rezultateve dhe shtypjen e protestave, por ministrat e Jashtëm nuk arritën të bien dakord mbi një listë sanksionesh muajin e kaluar për shkak të vetos së Qipros.
Kjo e fundit kërkoi që Blloku të mbante një qëndrim më të fortë kundër Turqisë rreth shpimeve në det.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
