Sot seanca e fundit parlamentare

Në orën 10 parlamenti do të mblidhet në seancen e fundit për këtë sesion.

Pas miratimit të reformës në drejtësi, pritet që seanca e sotme të jetë më e qete ndërsa do të diskutohen dhe miratohen një sërë projektligjesh.

Rendi i ditës së seancës ka 8 pika ndërsa pritet të miratohet vendimin për zgjatjen e mandatit të komisionit të posaçëm për reformën në drejtësi, që përfundon më 27 korrik.

Pas përfundimit të seancës së sotme deputetët marrin pushimet, ndërsa sesioni i rradhës nis më 5 shtator.

Më poshtë axhenda e zbardhur nga Kuvendi:

Miratimi i procesverbalit të seancës plenare, datë 21.7.2016 (neni 44, pika 2 e Rregullores)  

Njoftimi i projektligjeve të depozituara në Kuvend (neni 44, pika 3 e Rregullores)

Projektligji “Për miratimin e shtesës së marrëveshjes së koncensionit ndërmjet Ministrisë së Energjisë dhe Industrisë, si autoriteti kontraktues, dhe ACR Holding, S.R.L., si koncensionari, për rehabilitimin, operimin dhe transferimin e Minierës së Kromit, Bulqizë, të Fabrikës së Pasurimit Bulqizë, të Impiantit të Seleksionimit, Klos dhe të Uzinës së Ferrokromit, Burrel” (nenet 73-77, Rregullore, votim me shumicë absolute)

Projektligji “Për miratimin e shtesës së marrëveshjes së koncensionit ndërmjet Ministrisë së Energjisë dhe Industrisë, si autoriteti kontraktues, dhe ACR Holding, S.R.L., si koncensionari, për ndërtimin, operimin dhe transferimin e Uzinës së Ferrokromit në Elbasan dhe për minierat e kromit të Prrenjasit e Pojskës” (nenet 73-77, Rregullore, votim me shumicë absolute)

Projektligji “Për rivlerësimin e pasurisë së paluajtshme” (nenet 28, 73-77, Rregullore, votim me shumicë të thjeshtë) – procedurë e përshpejtuar - miratuar me vendimin e Kuvendit nr. 54/2016, datë 21.7.2016

Projektligji “Për disa ndryshime në ligjin nr. 7895, datë 27.1.1995 “Kodi Penal i Republikës së Shqipërisë”, të ndryshuar” (nenet 73-77, Rregullore, votim me shumicë të cilësuar prej 3/5 e të të gjithë anëtarëve të Kuvendit)

Projektligji “Për ratifikimin e marrëveshjes kuadër, ndërmjet Këshillit të Ministrave të RSH dhe Fondit Global kundër SIDA-s, tuberkulozit dhe malaries” (nenet 73-77, Rregullore, votim me shumicë absolute)

Diskutime për çështje jashtë rendit të ditës