Një ditë pas rastit të helmimit të punëtorëve të KQZ-së, Presidenti i Kosovës ka thirrur në një takim kryetaren e KQZ-së, Valdete Daka, kryeprokurorin e shtetit, Aleksandër Lumezi dhe kreun e Agjencisë Kosovare të Ineligjencës, Shpend Maxhuni.
Sipas zyrës së shtypit të kreut të shtetit, zyrtarët e mësipërm e kanë kanë informuar atë për rezultatet e hetimeve rreth raporteve për helmim të punëtorëve të KQZ-së, “të cilët kishin kontakt me zarfet e ardhura nga jashtë Kosovës në objektin e shërbimit të votuesve, ku ishin të vendosura votat e diasporës”.
Mësohet se Presidenti Thaçi ka kërkuar që rasti të hetohet deri në fund.
“Kërkoj nga institucionet shtetërore që me profesionalizëm të hetohet tërë rasti dhe të ndërmerren të gjithë hapat e nevojshëm për të zbardhur dyshimet për helmim të personelit të KQZ-së”, ka thënë ai.
Ndërkohë pritet të përfundohet ekzaminimi i mostrave të zarfeve të marra në Shërbimin e Votuesve.
Rasti në fjalë u konstatua paraditen e së dielës, kur nëpunës dhe zyrtarë që kanë qenë në Qendrën e Numërimit të Rezultateve, përfunduan në spital me simptoma alergjie: kruarje e djegie në duar e fytyrë dhe temperaturë.
26 zyrtarët kosovarë dyshohet se janë helmuar nga zarfet me votat e ardhura nga Serbia dhe po trajtohen në Qendrën Klinike Universitare të Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
