Përmbytjet dhe rrëshqitjet e dheut kanë vrarë të paktën 25 persona në juglindje të Brazilit.
Guvernatori i Espirito Santo, ku u evakuuan 5200 njerëz përshkroi skenarë "lufte" në qytete si Bom Jesus do Norte dhe Apiacá, të prekura gjithashtu nga shirat e dendur.
Megjithatë, të dielën, niveli i ujit ra pas një nate praktikisht pa reshje shiu, gjë që lejoi ekipet e shpëtimit të arrinin në zonat më parë të paarritshme.
Shkollat publike janë shndërruar në strehimore, sipas një komiteti emergjence të ngritur nga autoritetet lokale dhe punonjësit e shpëtimit.
Presidenti Luiz Inacio da Silva shprehu solidaritetin me familjet e viktimave dhe të prekurit në një mesazh të postuar në mediat sociale mbrëmjen e së shtunës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
