Marrëveshja Rusi-Ukrainë për drithërat e Detit të Zi zgjatet me dy muaj

Një marrëveshje vendimtare që synon të shmangë një krizë globale ushqimore pas pushtimit rus të Ukrainës është zgjatur për dy muaj. Presidenti turk Rexhep Taip Erdogan tha të mërkurën se është arritur një marrëveshje me Rusinë dhe Ukrainën për të zgjatur marrëveshjen e drithit në Detin e Zi.

Marrëveshja tani është ringjallur për herë të tretë pas një pikëpyetjeje të varur mbi mbijetesën e saj. Ukraina është një nga eksportuesit kryesorë në botë të grurit, por pas fillimit të luftës, Rusia bllokoi portet e Ukrainës, duke shkaktuar frikën e një zie buke globale.

Që nga vera e kaluar, një marrëveshje mes dy palëve ka mundësuar kalimin e sigurt të anijeve nga Ukraina.  Është pakti i parë dhe i vetëm i madh që është bërë ndërmjet palëve ndërluftuese që nga shpërthimi i luftës.

Që kur u arrit marrëveshja ka mundësuar rreth 900 anije që të largohen të sigurta nga portet e Detit të Zi, duke shpërndarë 24 milionë tonë drithë në vendet aq larg si Afrika dhe Lindja e Mesme.

Marrëveshja u bë midis Rusisë dhe Ukrainës, megjithatë, nuk ishte një marrëveshje e drejtpërdrejtë. Gjatë nënshkrimit të tij në Stamboll, përfaqësuesit nga Rusia dhe Ukraina nuk u ulën së bashku gjatë ceremonisë, raportoi në atë kohë Washington Post.

Turqia, anëtare e NATO-s, e cila e ka pozicionuar veten si një ndërmjetëse midis Kievit dhe Moskës që nga fillimi i konfliktit, ndërmjetësoi marrëveshjen e rrallë me Kombet e Bashkuara.

Mbijetesa e marrëveshjes qëndron në duart e Rusisë. Përpara rinovimit të tretë, Kremlini kishte mbetur i pakapshëm nëse do të mbetej në pakt. Përpara njoftimit të së mërkurës, mbeti e paqartë nëse marrëveshja do të rinovohej për herë të tretë pasi dy ditë bisedimesh urgjente në Stamboll më parë këtë muaj nuk arritën një rezultat vendimtar.

Rusia kishte kërcënuar edhe një herë se do të tërhiqej nga marrëveshja dhe përmendi një listë kërkesash, kryesisht për eksportet e lëndëve të saj ushqimore dhe plehrave.